Боксерскиот спектакл без победник: И Вајлдер и Фјури се сметаат за победници

Утринава еден час по полноќ, во Лос Анџелес се одржа големата бокс пресметка помеѓу Деонтај Вајлдер и Тајсон Фјури, а на крајот борбата заврши без победник.

Тајсон Фјури доминираше во најголемиот дел од мечот, од 12 рунди во 10 беше победник, но два пати се најде во нокдаун, во деветата и дванаесетата рунда. Овие два моменти го чинеа победа.

Вајлдер, го одбрани ВБЦ појасот во тешка категорија, по којзнае кој пат покажа дека силниот удар е негово најјако оружје, иако беше во подредена позиција во рингот успеа два пати да го обори противникот. Дури беше и блиску до победа во последната рунда кога го нокаутира Фјури и кога сите мислеа дека е готово, Тајсон Фјури стана и продолжи да боксува.

По завршување на борбата и двајцата боксери сметаа за себе дека се победници.

Вајлдер и Фјури од спектаклот ќе заработат големи суми. „ЕСПН“ пишуваше дека Американецот од борбата ќе добие четири милиони долари, додека Фјури ќе добие три милиони.