Гостивар
Болницата во Гостивар доби современо хируршко одделение според европски стандарди
Денес во употреба беше пуштено реконструираното хируршко одделение во гостиварската општа болница „Др.Ферид Мурад“. Со средства во висина од 15 милиони денари од буџетот на болницата, извршена е целосна реконструкција, поставени се специјални подови, нови врати и прозорци, посебна просторија за интензивна нега на оперираните пациенти, целосно реновирани болнички соби, опремени со клима уреди и телевизори.
Новата хирургија во Гостивар ја предаде во употреба министерот за здравство Венко Филипче.
„Минатата година имавме уште еден убав повод за посета на болницата во Гостивар, тоа беа целосно реновирани операциони сали со нова опрема, сега и хируршкото одделение. Се надевам дека ќе имаме само вакви убави настани тогаш кога ќе помине оваа криза со ковидот. Дозволете да ја најавам магнетната резонанса за Гостивар, која болницата ќе ја добие наредната година. Иако планиравме за годинава, тоа беше одложено поради состојбата со ковид. Дозволете ми да ви честитам, да порачам сите заедно да издржиме, сега е најголемата криза и ќе трае некое време, јас верувам во вашите способности, организациски капацитети и вашата струка затоа што ова население од околината на Гостивар е население кое со години наназад добива квалитетна здравствена заштита“, изјави Филипче.
Директорот на гостиварската болница Јакуп Јакупи нагласи дека одделението за хирургија било иградено во 1978 година и ова е прва поголем аинвестиција што болницата ја прави од сопствен буџет.
„Капацитетот на одделението е 36 кревети. Претходно имавме 33 кревети, а сега со преориентирање на некои простории добивме 36, со подобри услови за пациентите, кои како што и самите гледате се на европско ниво. Тоа е се‘ со цел да им го направиме престојот на пациентите колку што можеме попријатен, барем да придонесеме колку што е можно подобро да се чувствуваат додека се хоспитализирани“, изјави Јакупи.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар