fbpx
Поврзи се со нас

Гостивар

Болницата во Гостивар ќе добие апарат за магнетна резонанца

Објавено

на

Општата болница „Д-р Ферид Мурад“ во Гостивар во текот на оваа година ќе се снабди со магнетна резонанца, апарат со чија помош се дијагностицираат сериозни болести. Со ова ќе се намалат трошоците за граѓаните кои за ваква услуга сега мора да патуваат во други градови или да плаќаат во приватни установи суми од 200 до 500 евра.

Магнетната резонанца за Гостивар ја најави министерот за здравство Венко Филипче, при последната посета на гостиварската болница викендов.

„Болницата во Гостивар е позната по својата експертиза, бројните специјалисти и експерти коишто работат во сите сфери и области. Изминатиот период се реновираа целосно операционите сали, хируршкото одделние, следи целосно реновирање и на интерното одделение. Оваа година, после долго време за прв пат болницата во Гостивар ќе добие магнетнта резонанса и тоа значи дека сите жители кои имаат потреба од овие услуги повеќе нема да треба да патуваат во Скопје, туку овде ќе ги прават тие снимања“, рече министерот.

Периодов за болницата во Гостивар со грант од програмата за проекти и човекова безбедност од Амбасадата на Јапонија, се обезбеди дигитален рентген апарат, вреден над 660 илјади евра.

Оваа здравствена установа опслужува околу 200 илјади пациенти од регионот.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!