Гостивар
Болницата во Гостивар потрошила 7,3 тони кислород во ноември за пациентите со ковид
Рекордна потрошувачка на медицински кислород во општата болница „Д-р Ферид Мурад“ во Гостивар, поради потребите за лекување на пациентите со ковид. Во време на пандемијата се троши и до 10 пати повеќе кислород, од претходно. Поголемиот дел од пациентите кои се хоспитализирани имаат потреба од кислородна терапија, а нивниот број со есенскиот бран на коронавирус постојано расте.
Според податоците од болницата, во ноември е забележана рекордна потрошувачка на кислород од 7,3 тони. Директорот на болницата Јакуп Јакупи вели дека до сега успевале да одговорат на потребите, но неопходно е да го засилат капацитетот.
„Зголемувањето одело постепено, со порастот на бројката на пациенти. Во јули се потрошиле 1,3 тони, август 2,5 тони, септември над 3, а веќе во ноември 7,3 тони кислород. Тоа е период кога веќе почнавме да примаме пациенти и на интерното и на невролошкото одделение. Централната кислородна станица е од постарите, од времето кога е градена болницата, па сега правиме напори да го модернизираме снабдувањето, да ставаме поголеми боци за на тој начин да се намалат трошоците околу снабдувањето“, вели Јакупи.
Во наредните денови до постоечката централна кислородна станица, ќе биде поставено бетонско плато за цистерна. Преку неа ќе се обезбедуваат дополнителни количини кислород за пациентите во гостиварската болница.
„Оваа недела направивме план да отпочне процедурата, до кислородната станица да се постави бетонско плато кое ќе може да издржи поголема тежина и во наредните денови на него ќе се монтира цистерна со приближно 1,5 тони кислород. Тоа ќе овозможува да се олесни снабдувањето, а секкао ќе остане и како придобивка за болницата.“, вели директорот.
Во општата болница во Гостивар актуелно три одделенија се претворени во ковид центри, инфективното, дел од интерното и невролошкото со вкупно 83 легла.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар