Болницата во Гостивар набави електро-хируршки генератор за современи и побезбедни операции

Општата болница “Ферид Мурад” во Гостивар, од денес е подновена со електро хируршки генератор COVIDIEN Valleylab FT 10, со кој се овозможува современо и побезбедно спроведување на оперативните зафати.

„Апаратурата е од најсовремена генерација и со таква работат само поголемите хируршки центри во Република Северна Македонија и низ светот. Со примената на новиот елетрко-генератор оперативните услуги ќе бидат на највисоко ниво, пациентите ќе бидат побезбедни, се намалува ризикот од компликации, а воедно ова значи и големо олеснување при работата на лекарите и друиот медицински персонал.“, информираа од управата на болницата.

Со новиот апарат може да се вршат сите отворени хируршки процедури и сите лапароскопски зафати од општа хирургија, урологија, торакална хирургија, гинекологија и други.