Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 18/07/2019 | 12:12

Болницата во Гостивар наскоро со нов дигитален рендген

Во општата болница во Гостивар се прават подготовки за монтирање и ставање во функција на нов современ дигитален рендген апарат. На одделението за рендгенологија се започна со демонтирање на стариот апарат и адаптација на просторијата за поставување на новиот. Дигиталниот рендген чини 100 илјади евра, а болницата го набавува со сопствени средства.

Раководителот на одделението др.Љубица Анастасиеска смета дека новиот апарат ќе придонесе за поквалитетни услуги за пациентите и прецизно дијагностицирање на болестите.

“Се заблагодарувам на менаџментот на болницата што овозможија набавка на овој апарат, кој ни беше потребен долго време. Се надевам дека во најскоро време ќе се завршат неопходните подготовки и ќе биде ставен во функција”, рече Анастасиеска.

Напишете коментар