Бонтон правила кои секојдневно ги кршиме

Правилата за убаво однесување не се секаде исти. Ескимите се допираат со носовите кога се поздравуваат, Јапонците секогаш ги соблекуваат чевлите кога ќе влезат во домот, а во Тајланд се смета за непристојно покажувањето на ѓонот од чевлата на некого. Сепак, постојат универзални правила при кои треба да се придржуваме сите без разлика на која и националност да припаѓаме. Сите сакаме да бидеме љубезни, зар не?

На листата на секојдневни кршења на правилата од бонтонот се најдоа неколку кои, за жал редовно се практикуваат.

• Ја носиме чантата преку десното рамо, иако правилно се носи преку левото, за да десната рака ни биде слободна да се ракуваме со познананиците, кои ќе ги сретнеме.
• Кога заминуваме од теретана, забораваме да ги избришеме справите со кои сме вежбале и така ги оставаме испотени и валкани, за следните корисници.
• Во сала со седишта им вртиме грб на другите, во редот низ кој поминуваме, кога одиме до нашето место.
• Во време на паузата помеѓу залаците додека јадеме, ја ставаме користената вилушка до чинијата, наместо да ја ставиме на чинијата.
• Зборуваме на телефон, кога чекаме во ред, а со тоа ги вознемируваме другите луѓе, особено кога сме гласни.
• Палиме цигара без да ги прашаме луѓе наоколу дали им пречи.
• Фотографираме или снимаме јавни настани и кога е назначено дека е забрането.
• Кога влегуваме во соба полна со луѓе на слава, седенки и други собиранки, не се поздравуваме со сите, туку само со луѓето со кои се знаеме.
• Го водиме нашето куче кај некој пријател, без да прашаме дали е тоа во ред.