Брачен пар од државен карантин пренесен во гостиварската болница, се врши тест за Ковид 19

Брачен пар којшто се наоѓал во државен карантин во еден од хотелите во Маврово, бил пренесен во болницата во Гостивар, откако мажот добил симптоми на коронавирус. Директорот на болницата Јакуп Јакупи на состанокот на Кризниот штаб во Гостивар информираше дека на двете лица им се врши тестирање, а резултатите се очекуваат во текот на утрешниот ден.

„Се работи за брачен пар од околината на Струмица, кој бил во државен карантин. Мажот добил температура и кашлање, по што се донесени во нашата болница. Жената до сега нема никакви симптоми“, рече Јакупи.

Неделава во општата болница во Гостивар биле примени 7 пациенти со симптоми слични на Ковид 19, чии тестови излегле негативни на вирусот.

„Ние делуваме согласно сите потреби и протоколи, но доколку продолжи овој тренд, можно е да се јават проблеми со снабдување со маски за медицинскиот персонал. Затоа апелирам до сите институции кои можат да помогнат во тој поглед, да го сторат тоа“, рече директорот