Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 14/02/2019 | 00:08

Бројот на жртви во несреќата стигна на 14 – Владата ги прогласи четврток и петок за ден на национална жалост

На вечерашната вонредна седница Владата ги прогласи 14 и 15 февруари за ден на жалост, поради страотната несреќа на патот Скопје-Тетово со голем број загинати и повредени од Гостивар.

„Ова е тешка ноќ. Животите ги изгубија 14 граѓани, седуммина од нив починале на местото на несреќата. Сочувствуваме со семејствата“, изјави премиерот, Зоран Заев.

Министерот за внатрешни работи, Оливер Спасовски рече дека причината за несреќата допрва ќе се утврдува.

Страшната сообраќајка се случи околу 17 часот, близу Карпалак. Гостиварски автобус полн со патници излетал од коловозот, преминал на соседната страна и се превртел.

Напишете коментар