Брза чорба со краставици за летно освежување

Кога се зборува за висок процент на вода во храната, најчест пример е краставицата. Со своите 90 проценти вода во неа, совршено го хидрира телото, а воедно е и одличен диуретик кој ефикасно ги отстранува насобраните токсини од телото.

Големото количество вода не е единствената придобивка што можеме да ја добиеме од краставиците, тие содржат и навистина широк спектар на минерали и витамини, влакна и супстанции кои делуваат како антиоксиданти (бета-каротин, лутеин, зеаксантин), но во малку помали количини. Краставицата е извор на калиум, фосфор, калциум, магнезиум, железо, цинк, манган, бакар и селен, а содржи витамин Ц, најмногу витамини од групата Б и витамин К. Од наведените минерали, краставиците се најбогати со калиум, кој е важно за мускулната флексибилност и регулирање на крвниот притисок.

А еве и еден одличен рецепт како да ги икористите нејзините придобивки.

Брза чорба со краставици (за 4 лица)

Потребни состојки:

• 2 свежи краставици
• 2 компири
• 2 чешниња лук
• 1,5 дл солена хопла за готвење
• 1,5 dl вода
• копар
• маслиново масло
• сол и црн пипер

Совет: Купувајте само краставици кои се цврсти на допир, имаат заоблени рабови и убава зелена боја.

Подготовка:

Краставиците изрендајте ги и кратко пропржете ги на маслиново масло. Додадете ги ситно исечените компири, измешајте и пропржете на силен оган. Потоа додадете го тенко исечениот лук, сол и бибер. Истурете вода и варете. Кога компирот е речиси готов, додадете го кремот за готвење во садот и оставете го да се вари уште неколку минути. На крајот додадете ситно сечкан копар.