Брзото возење број 1 причина за несреќи, акциите на полицијата продолжуваат

На подрачјето на СВР Тетово вчера (18 август) од 16 до 22 часот спроведена е уште една од серијата акциски контроли за брзина, во која биле откриени и санкционирани вкупно 37 возила, односно возачи (Тетово-33 и Гостивар-4) кои ја пречекориле максимално дозволената брзина.

„Три возила се движеле со над 70 километри повеќе од пропишаната брзина, едно возило ја пречекорило брзината за над 50 километри на час и така натаму. При контролата, исто така, биле санкционирани и 15 возила кои ја пречекориле брзината во населено место, а санкциониран бил и 1 друг вид сообраќаен прекршок.“, соопшти полицијата
СВР Тетово повторно апелира до возачите да ја почитуваат поставената сообраќајна сигнализација на патиштата и улиците која се однесува на дозволената брзина на движење и да не возат пребрзо. Зашто, токму пребрзото возење и годинава е најчестата брзина за случување сообраќајни несреќи на ова подрачје и пред се за оние со најтешки последици. Ова, дотолку повеќе што на подрачјето и натаму е присутна зголемена фрекфенција на возила, посебно за викендите.