Бундеслигата продолжува на 15 мај

Започнува Бундеслигата. По средбата што се одржа синоќа, Федерацијата ги извести клубовите од првата и втората германска лига дека првенството ќе продолжи на 15 мај.

Први на терен ќе истрчаат играчите на Фортуна Дизелдорф и Падерборн во првиот натпревар од 26-то коло, кој ќе се одигра во редиовниот термин во петок.

Веќе следниот ден ќе се одигра големото дерби помеѓу Борусија Дортмунд и Шалке, Баерн гостува во Берлин, Ајнтрахт Франкфурт кај Келн. „Цвајте“ започнува истиот викенд.

Сите натпревари ќе се одиграат пред празни трибини, без присуство на публика и со строго почитување на мерките.

Баерн е прв со 55 бода, а потоа следуваат Дортмунд, Лајпциг и Менхенгладбах. Фортуна, Вердер и Падерборн се во најлоша позиција.