Се превртел чамец со две лица во Мавровско Езеро, во тек е спасувачка акција

Во тек е спасувачка акција во Мавровското Езеро. Како што информира Центарот за управување со кризи преку единствен број за итни повици 112 во 12.37 часот од страна од случаен минувач добиена е информација за превртен чамец со две лица во Мавровско Езеро. Лицата во моментот се држат за чамецот и самата струја ги носи кон хидроцентралата, извести ЦУК.
„Од наша страна веднаш е стапено во контакт со Диспчерски центар на ЕЛЕМ и со директорот на ХЕЦ Маврово и известен сум дека немаат исправен чамец. Известено е одговорното лице од Ренџерска служба од Национален парк Маврово и од истите известен сум дека имаат чамец и поради силниот ветер во Мавровското езеро има бранови и луѓето не се специјализирани за спасување во води и претставува потенцијална опасност да ги загрози и своите вработени.“, стои во информацијата.

Преку РЦУК Тетово известени се ПС Маврово, ДЗС Гостивар, Општина Маврово и Национален Парк Маврово ренџерска служба.

Полицискиот хеликоптер со тим од САЕ Тигар е на брегот на Мавровско езеро. Со чамец поаѓаат кон двете лица кои се потпираат на нивниот превртен чамец, информира ЦУК.