Поврзи се со нас

Гостивар

Чествување во Гостивар: 11 Октомври ги постави темелите на нашата слобода и независност

Пораки за зачувување на мирот и соживотот, почит кон слободарските вредности, како и трасирање на патот за евро-атланска интеграција на Македонија беа испратени денеска од Гостивар на одбележувањето на 11 Октомври, Денот на народното востание. Настанот по повод празникот, традиционално го организираше општинскиот одбор на Сојузот на борци.

„Овој исклучителен датум од македонската историја го претставува почетокот на заедничкото организирање и масовно вклучување на македонскиот народ во оруженото востание, во името на слободата и правдата, а за конечно создавање на македонската држава. Несомнено, 11-ти Октомври ги постави темелите на нашата слобода и независност“,  рече во поздравното обраќање, претседателот на гостиварската боречка организација, Радислав Ѓиноски.

За историската димензија и значењето на празникот, пригоден реферат прочита професорката по историја Катица Аврамоска.

„Во 1941-вата година, македонскиот народ бележи уште една светла страница во вековните стремежи и идеали за слобода и создавање сопствена држава. На 11 октомври, 1941-вата година, во Македонија повторно се издигна борбеното и слободарско знаме. По цена на големи жртви, низ четиригодишната народноослободителна борба, македонскиот народ успеа да го докрајчи долгогодишното робување и зачекори по патот на слободен развој и сестран напредок.“, истакна Аврамоска..

Во знак на сеќавање кон учесниците во народното востание,  чествувањето на денешниот празник продолжи со положување на цвеќе на споменикот на паднатите борци. Букети цвеќе положија делегации од Општинскиот одбор на Сојузот на борци, Општинската организација на Социјал-демократскиот сојуз и општинскиот комитет на ВМРО-ДПМНЕ.

Присутните со едноминутно молчење им одадоа почит на загинатите во борбите за слобода и мир.

Сподели:
Остави коментар

Напишете коментар

Advertisement
Advertisement
Advertisement
Advertisement

АНКЕТА

Дали сте задоволни од понудените мерки на Владата, за справување со економската криза?

Резултати од анкетата

Advertisement

Популарно изминативе 100 дена

error: Содржината е сопственост на Gostivarpess.mk!