Поврзи се со нас

Вести Гостивар

Четири лица приведени ноќеска во полошко поради кокаин

Во два одделни случаи, ноќеска на полошкото подрачје биле приведени четири лица, кај кои била пронајдена дрога.

СВР Тетово извести дека околу 4 часот и 25 минути, во тетовско Боговиње било запрено патничко возило „БМВ“ со швајцарски регистарски ознаки, што го управувал 30-годишник од селото Добридол, а во кое се наоѓало и 29-годишно лице, исто така жител на ова село. При преглед, извршен од полициските службеници им бил пронајден кокаин, поради што двајцата се лишени од слобода и задржани за расчистување и документирање на случајот, по што ќе им биде изготвен соодветен поднесок.

Околу 1 часот и 45 минути, во тетовско Жеровјане биле лишени од слобода двајца тетовци на возраст од 23 и 29 години. При нивен и преглед на возилото „Фолксфаген Пасат“ со тетовски регистарски таблици, во кое се наоѓале, а кое било паркирано во близина на бензинска пумпа, пронајден и одземен бил кокаин. Двајцата се задржани во Полициската станица Тетово и по целосното расчистување и документирање на случајот ќе следува соодветен поднесок.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!