Четворица повредени во несреќа кај Мавровска крстосница

Вчеравечер околу 23.40 часот во сообраќајна несреќа која се случила кај Мавровската крстосница во Маврови Анови, со повреди завршиле четири лица. 

Според МВР, патничко моторно возило “Гранд Чероки“ со бугарски национални ознаки, управувано од 26 годишниот А.А. од село Жировница излетало од коловозот. Возачот и тројца сопатници биле пренесени во болницата во Гостивар, каде од страна на лекар кај возачот констатирани биле телесни повреди, додека кај сопатниците: А.З., П.Б. и С.Е. на возраст од 25 до 28 години, констатирани биле тешки телесни повреди.

Извршен бил увид на местото на настанот од страна на Полициската станица Гостивар и се работи на целосно расчистување на случајот, наведува МВР.