Членките на здружението Онлајнмедиа нема да известуваат од испраќањата на загинатите во кочанската трагедија

Членките на здружението Онлајнмедиа, меѓу кои е и Gostivarpress.mk, донесоа одлука нивните редакции да известуваат од погребите на загинатите во трагичниот пожар во Кочани, кој ќе се одржи денеска.

Во овој период на жалост, кога болката од згаснувањето на 59 животи е неизмерна, веруваме дека треба да се почитува приватноста на семејствата. Медиумите имаат обврска да известуваат одговорно, етички и професионално. Загубата на овие млади животи е длабоко трагична и трогателна, а светлата на камерите не треба да сведочат за лелекот на скршените души кои се збогуваат со своите најмили.

Редакциите на членките на Онлајнмедиа одлучија дека нема да известуваат од погребите, не само во Кочани, туку и во сите други градови во земјава. Дополнително, нема да бидат пренесувани ниту снимки и фотографии од други медиумски куќи.

Воедно, жителите на Кочани упатија апел до медиумите да не ја злоупотребуваат оваа трагедија за сензационализам, туку да се обезбедат достоинствени услови за последното простување со загинатите.