Гостивар
Царовска апелира матурантите да се вратат на настава: Бојкотот е неоправдан, секој изгубен час треба да се надомести!
Министерството за образование и матурантите се уште не најдоа заеднички јазик околу полагањето на државната матура. Дел од матурантите и натаму продолжуваат со бојкот на наставата, а МОН е дециден дека испитот треба да се полага според предвидениот концепт.
На состанок денес меѓу Министерката за образование и наука Мила Царовска со директорите на средните училишта е донесен заклучок дека: МОН има законска обврска да ја организира матурата за учениците коишто планираат да го продолжат образованието, а е услов за запишување на факултетите во државата и во странство. Mатурата, којашто е право на избор и на учениците кои избраа да полагаат и ги пријавија испитите ќе им биде овозможено да полагаат.
Според податоците на училиштата полагање на матура имаат пријавено над 14.000 матуранти, а испитите ќе се одржат според концепцијата утврдена уште на почетокот на оваа учебна година, соопштија од Министерството.
„Државниот испитен центар, МОН и средношколците заеднички ќе работат на целосно нова концепција за полагање на државна матура која ќе се применува од идната учебна година, за што во тек е формирање на работна група во која ќе бидат вклучени и средношколците. Средното образование е задолжително, државната матура е избор и е потребна на учениците коишто планираат да го продолжат образованието на факултетите. Во концептот за матура предвидена е и училишна матура, која е избор на учениците што нема да полагаат државна матура. Таа опфаќа избор само на два предмета (задолжителен и изборен) и проектна задача. Исто така, матурантите од средните стручни училишта имаат можност да изберат и завршен испит, со истиот концепт од два предмета, задолжителен и изборен и проектна задача.“, се вели во известувањето на МОН.
Министерството за образование апелираше до матурантите и средношколците да продолжат со наставата по веќе воспоставниот комбиниран модел, нагласувајќи дека тоа е во најдобар интерес на сите ученици и во интерес на заштитата на јавното здравје. „Бојкотот е неоправдан, а секој изгубен час според Закон треба да се надомести.“, порача Царовска.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар