Гостивар
Царовска во Гостивар: Матурата ќе се полага како што е предвидено, испитот е законска обврска
Министерката за образование и наука Мила Царовска при денешната посета во Гостивар, изјави дека годинава нема да има промени во концептот на полагање на државна матура, и дека најголемиот дел од матурантите веќе се подготвуваат за испитот, кој како што рече е законска обврска.
“Концепцијата за матура е донесена на почетокот на годината и е иста со онаа претходно, имаше мали измени во однос на проектната задача и воведување на два изборни нови предмети географија и информатика, се со цел да ја приближиме концепцијата до учениците и врз основа на нивните барања. Но, исклучување на одредени предмети би ја нарушила целата концепција, која е важно да се имплементира во целост за запишувањето на факултетите, не само во нашата држава, туку и надвор од неа. Минатата година бевме негативен пример и нашата земја остана како изолирана, затоа што не овозможи полагање на матура. Многу наши ученици извисија од можноста да се запишат на одредени светски и европски универзитети. Токму затоа, ние сакаме секое дете да има можност да ги оствари своите цели и своите соништа. Да нагласам дека матурата е законска обврска, заради тоа што значи заокружување на образовниот процес или добивање на димплома којашто понатаму важи и за продолжување на образованието, но и за вклучување во пазарот на трудот“, рече министерката.
Според Царовска досега, 15.000 матуранти се пријавиле за полагање матура.
За следната година планирано е да се имплементира нов, современ модел на државна матура, на чија концепција, како што најави министерката ќе работи посебна работна група во која ќе учествуваат и претставници на средношколците.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар