Цела Македонија е во фаза на висок ризик од ширење на коронавирусот

Есенскиот бран на ковид 19 секојдневно носи високи троцифрени бројки на новозаразени. Според категоризацијата на Светската здравствена организација, целата држава се наоѓа во фаза на широка распространетост на коронавирусот, односно со висок ризик. Министерството за здравство вчера потврди 862 нови случаи, пресметките говорат дека 32% од тестираните имале позитивни резултати на ковид. Бројот на активни случаи изнесува 8.587.

Стапија на сила мерките за задолжително носење на маски и на отворено и забрана за групирање на јавни површини по 22 часот.

За неносење маска на отворено предвидена е парична казна од 20 евра.

Министерството за здравство апелираше до сите граѓани да се почитуваат мерките.  „Носењето заштитна маска, одржувањето физичка дистанца и миењето раце се единствените мерки кои можат да го спречат ширењето на вирусот. Да бидеме одговорни и совесни, да го зачуваме нашето здравје, но и здравјето на нашите најблиски.“, апелираше МЗ.

Од вчера исто така самоизолацијата е задолжителна при тестирање за Ковид-19 од закажување на тестот или самото тестирање, па се до добивање на резултатот. Доколку резултатот е позитивен самоизолацијата продолжува.

За прекршителите предвидена е казна од 50 евра.