Цените во април 2025 повисоки за 2.6% споредено со истиот месец лани

Трошоците на животот во април 2025 година се зголемени за 2.6% во однос на истиот месец лани, додека индексот на цените на мало е повисок за 2.7%, објави Државниот завод за статистика.

Најголемо месечно зголемување е забележано кај транспортот (5.1%), облеката и обувките (1.5%), како и рекреацијата и културата (1.4%), мебел, покуќнина и одржување на домаќинствата за 0.5 %, Здравје за 0.4 % и Храна и безалкохолни пијалаци за 0.3 %.

Од друга страна, намалување е забележано кај разновидните стоки и услуги (-0.7%) и алкохолни пијалаци, тутун и наркотици (-0.1%).

Цените на мало, пак, во април во однос на март годинава се зголемени за 1.6 отсто.