Цинкот е неопходен за силен имунитет – еве во која храна најмногу го има

Цинкот е есенцијален минерал кој помага во функционирањето на повеќе од 300 ензими во нашето тело. Неопходен е за создавање на многу хормони, меѓу кои и оние коишто го штитат имунолошкиот систем. За да имате силен имунитет, кој ќе ве одбрани од болести мора да внесувате доволно цинк. Човековиот организам  не го произведува, ниту складира, овој минерал и затоа мора секојдневно да го внесуваме преку ихраната.

Препорачана дневна доза на цинк за мажи е околу 11 mg, додека за жени, околу 8 mg. Недостатокот на цинк донесува низа здравствени проблеми: губење на апетит, чести настинки и инфекции поради опаѓање на имунитетот, дијареја, опаѓање на косата, сува кожа и други.

Бидете одговорни за своето здравје и развивајте добри навики, со што ќе спречите појава на несакани состојби и заболувања. Еве кои намирници се најбогати со цинк и треба да се најдат на вашето мени.

Месо – Сите видови на месо содржат цинк. Одберете си според вашиот вкус. Секако не претерувајте со количините. Имајте на ум дека 100 g месо содржи околу 4.8 mg цинк, што е околу 43% од дневните препорачани количини.

Морска храна – Ако сте љубител на школки, шкампи, лигњи и слично, тоа е плус за вас и вашето здравје, затоа што морската храна е одличен извор на цинк. На пример, 5 школки со средна големина содржат од 26 до 30 g цинк што е многу повеќе од дневната препорачана доза.

Мешунки – Богати со цинк се и леќата, гравот и грашокот.

Јаткасти плодови и семки – Здравите грицки носат голема корист за здравјето. За поголем внес на цинк, јадете семки од тиква, индиско оревче, бадеми, ореви.

Чоколадо – Се разбира, поради штетноста на шеќерот, изберете црно чоколадо.  100 грама чоколадо, ќе ви обезбеди 10 милиграми цинк, што е приближно 90% од дневните потреби.

Жолчка од јајце – Жолчка од едно јајце содржи околу 2 mg цинк. Ако на тоа се додадат и другите бенефити од јадењето јајца, несомнено е дека мора редовно да се внесуваат.