Гостивар
Црковните старопечатени книги од Лазарополе подарени на Бигорски
Црковниот одбор на храмот Св.Ѓорѓија во Лазарополе под претседателство на Димко Попоски донесе одлука книжниот фонд што го поседува, а се состои од стотина книги од типот на библии, требници, минен и други да ги додели на манастирската библиотека при манастирот Св. Јован Бигорски на понатамошно чување и нивно одржување.
„По желба и иницијатива на Црковниот одбор при црквата „Св. Вмч. Георгиј Победоносец“ во с. Лазарополе, кој покажа голема совесност, словесност и грижа кон писменото христијанско и културно наследство, а во договор и со благослов на нашиот старец и игумен, Епископот Антаниски г. Партениј, денеска на Бигорската книгохранителница ѝ беше врачена една мошне значајна книжна збирка од стотина старопечатени книги. Станува збор за црковни книги кои досега се чуваа во храмот на Свети Георгиј во славното мијачко село, кое низ историјата родило и одгледало многу значајни македонски општествени и просветни дејци. Се работи за библиотечен фонд на старопечатени книги, во најголем дел од 19. век, напишани главно на црковнословенски јазик. Сите тие се богослужбени и поучителни книги кои биле ползувани за богатиот духовен и воцрковен живот на лазоровци. Им благодариме и го пофалуваме благочестивото дело на побожните лазоровци, кои со тоа што ги подарија книгите на Бигорскиот Манастир, покажаа вистинска љубов и грижа за запазување на духовното и културно наследство на своите предци. Впрочем, бигорските отци и духовници во минатото најмногу се погрижиле за просветата во овој крај, а преку нивните молитви и благослов, Бигорски ја има истата евангелско-просветна мисија и денес.“, соопштија од Бигорскиот манастир.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник