Црвена Ѕвезда со експресни 3-0 ја освои шампионската титула во АБА лигата

Кошаркарите на Црвена Ѕвезда се шампиони во АБА лигата, бидејќи во третиот натпревар од финалната серија го совладаа Партизан со резултат 82:76 (20:18, 22:20, 17:14, 23:24).

По двете победи на домашен терен, црвено-белите направија брејк и славеа како гости во „Белградска арена“, што беше доволно за да стигнат до седмата титулата во регионалното натпреварување со максимални 3:0 во серија.

Најефикасни во победничкиот тим беа Рокас Гедраитис и Лука Митровиќ со по 12 поени, додека Јаго дос Сантош ги следеше со 11 поени кој е прогласен за МВП на плејофот. Тој во текот на плејофот имаше просек од 11,7 поени, 4,43 асистенции и 3,14 скока по натпревар.

Во тимот на Партизан најдобар беше Алекса Аврамовиќ со 17 поени, Данило Андушиќ постигна 13, а Доузер и Матеус Поњитка постигнаа по осум.

На овој меч домашните беа без Џејмс Нанели, кој тренерот Жељко Обрадовиќ го остави во „цивилна облека“ по инцидентот во Арената и конфликтот со играчот на Ѕвезда, Стефан Лазаревиќ.