Црвената пиперка содржи многу повеќе витамин Ц отколку лимонот и портокалот

Силниот имунитет е секогаш приоритет, па затоа е добро што почесто да го имате овој зеленчук на вашата трпеза.

Верувале или не, лимонот, синоним за витамин Ц, содржи околу 53 милиграми од овој витамин во 100 грама што е многу, но црвената пиперка со иста тежина обезбедува дури 127,7 милиграми витамин Ц.

Експертите велат дека колку е повеќе зрела пиперката, толку повеќе има витамини и минерали, како и дека пиперката содржи четири пати повеќе витамин Ц од портокалите и над 30 хранливи материи од групата каротеноиди. Исто така има витамин А и ликопен, како и силна антиоксидантна моќ што ја прави црвената пиперка супер храна.

Една црвена пиперка има:

• 31 калорија
• 92% вода
• 1 грам протеин
• 6 грама јаглени хидрати
• 4,2 грама шеќер
• 2,1 грама растителни влакна
• 0,3 грама маснотии

Ако редовно уживате во овој зеленчук, чија сезона трае долго и ни е достапна на секој чекор, ќе го зајакнете имунитетот пред зимската сезона, ќе го поттикнете производството на колаген и ќе го подобрите видот. Покрај тоа, научно е докажано дека црвената пиперка го подобрува расположението, го забрзува метаболизмот и слабеењето и го стимулира растот на косата.

Бидејќи препорачаниот дневен внес на витамин Ц е 65-90 милиграми дневно, со само една црвена пиперка можете да направите многу добри нешта за вашето здравје.