Црвениот Крст во Гостивар подели донации на граѓани и во болницата

Општинската организација на Црвениот Крст во Гостивар деновиве спроведе повеќе активности за дистрибуција на донации обезбедени од страна на Турската Црвена Полумесечина.

Волонтерите поделија хуманитарна помош составена од 30 хигиенски пакети на семејства во социјален ризик и лица погодени од ковид пандемија. За ковид одделенијата во општата болница „Д-р Ферид Мурад“, пак беа доставени 20 хигиенски пакети и две детски инвалидски колички.

Освен тоа, во рамките на имплементација на проектот „Подобрување на социјализацијата на деца и млади со посебни потреби“ , поддржан од Комерцијална Банка, волонтерите на организацијата заедно со децата и вработените во Дневниот центар Гостивар, по повод Велигденските празници организираа креативна активност бојадисување на јајца.