ЦУК апелира возачите да внимаваат на патиштата поради врнежите и можни одрони

Центарот за управување со кризи апелира до граѓаните, кои планираат да патуваат и оние што веќе патуваат да бидат внимателни на патиштата, како заради дождот и снегот, така и заради можни одрони. Дождот што врне на целата територија на државата, на повисоките места премина во снег. Конкретно, на планините во западните и североисточните делови над 1.000 метри надморска височина врне снег.

„Одредени патни правци се забранети за тешки товарни возила, како на пример делницата Маврово – Дебар, превојот ,,Стража”, а на делницата од Крива Паланка на околу три до пет километри од пред граничниот премин ,,Деве Баир” е отежнат прооден дел од патот. Надлежните за магистралните патишта веќе преземаат активности за чистење на критичните точки на повисоките места.“, соопшти ЦУК.

фото:ЦУК