ЦУК со апел до оние кои ќе патуваат: Соодветни подготовки и следење на прогнозата

Центарот за управување со кризи во утринската информација ја акцентира прогнозата на УХМР  за наредните денови, според која претстои студен бран со врнежи од снег.

„Согласно временските метеоролошки прилики, со соодветни подготовки согласно дестинацијата ако се планираат патувањата, пожелно е да се следат информациите од медиумите за временската состојба и состојбата на патиштата, дадени од надлежните институции и служби“, апелира ЦУК.

Инаку, во последното деноноќие имало 1857 повици на Единствениот повикувачки број за итни случаи 112 од коишто над половината  (55,90 проценти) биле „реални“,  а 44,10 проценти биле за други потреби на граѓаните што не биле итни.

„Кон Полиција биле упатени 69,16 отсто, кон Итната медицинска помош 25,65 отсто, а кон пожарникарите 1,73 отсто од реалните повици кон 112 во ЦУК. Инаку, имало 830 повици за итни случаи на 112 за во ЦУК, што се вкупен збир од тие што биле за комбинирано решавање од „реалните“ повици и на тие што се именувани како „неитни повици“. Сите тие биле предмет на примање, на обработка во ЦУК, а и на директно координирање за нивно решавање со институции и служби во Системот за управување со кризи (СУК)“, соопшти утрово Центарот за управување со кризи.