Д-р Хатије Исмаили наградена за најдобар лекар во Словенија, на прием кај Таравари

Гинекологот Хатије Исмаили која потекнува од Гостивар, а во Словенија доби награда за најдобар лекар, денес беше на прием кај градоначалникот Арбен Таравари. Првиот човек на општината и додели плакета со симболот на градот, Саат Кулата.

„Имав чест и задоволство денес да ja прeчекам Хатије Беџети Исмаили- гинеколог од Гостивар, која пред извесно време беше одликувана со наградата „Најдобар лекар во цела Словенија“. Хатије Беџети Исмаили претставува чин на гордост не само за Гостивар, нејзиното родно место, туку и за сите Албанци. Таа е модел и пример за восхитување за улогата и можностите на жената Албанка, успешна приказна што сите ги прави горди. Ова достигнување нека послужи за други успеси за неа и за многу други ценети личности што ги имаме во дијаспората“, нагласи градоначалникот.

Докторката Исмаили беше избрана за најдобар лекар за 2020-та година во Словенија, преку акција насловена „Мојот лекар“ со гласање на граѓаните пациенти. Исмаили освои најмногу гласови во својата област-гинекологијата, но и вкупно од сите кандидати медицинари.

Хатије Исмаили завршила средно образование во гостиварската гимназија, а потоа продолжила да се образува на медицинскиот факултет во Ријека, Хрватска. По завршување на студиите се преселила во Словенија, каде денес работи и живее со своето семејство.