Поврзи се со нас

Вести Гостивар

Да нема митинзи, натпревари, шопинг патувања на Велики Петок и Велика Сабота, апелираат од Бигорскиот Манастир

Во деновите на Страсната седмица, особено на Велик Петок и Велика Сабота и трите дена на Христовото Воскресение, да не се организираат настани кои ги спречуваат верниците да присуствуваат на литургиите, апелира Бигорскиот Манастир.

„Би сакале да испратиме апел овие дена да не се организираат никакви натпревари, забави, митинзи, туристички и шопинг патувања и сл. Потоа, пожелно е и работодавците во овие величествени денови (барем од Велик Петок, кој е и државен празник, до третиот ден на прославувањето на Воскресението) да ги ослободуваат своите вработени, за истите да можат да присуствуваат на богослужбите и да му ги посветат своите мисли и дела на Бога. Исто така, ги повикуваме и сите трговци и сопственици на маркети ако не ги намалуваат, барем да не ги поскапуваат цените на производите, за да можат и посиромашните да си ги дозволат потребните услови за достојно и радосно празнување на Празникот над празниците.“, стои во апелот до хростијаните за Страдалната седмица, што го испраќаат од древното македонско светилиште.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!