Да се потсетиме зошто е добро да се јаде кисела зелка

Киселата зелка одамна е дел од нашата традиционална кујна и најчесто се јаде во зима, во студените денови, бидејќи е многу лековита. Содржи бројни витамини и минерали, кои го зајакнуваат имунолошкиот систем, а благодарение на пробиотиците позитивно делува и на цревата. Можете да ја јадете како салата, сарма или прилог со многу јадења.

Витаминот Ц го има во зелката и тоа во количина која задоволува половина од вкупните потреби на возрасен човек без разлика дали зеленчукот е свеж или варен. Витаминот Ц е веќе добро познат антиоксиданс кој помага да се елиминираат слободните радикали, оние кои предизвикуваат оштетување на клетките.

Исто така, има висока содржина на витамини А, Б1, Б2, Б3, Б6 и Е. Има и витамин П (биофлавоноиди), како и витамин У (метилметионинсулфониум), кој вообичаено се користи во лекување на гастритис, желудник и дуоденални улкуси.

Самиот процес на закиселување на зелката ја зголемува биолошката достапност на хранливи состојки. Киселата зелка е богата со железо, калциум и магнезиум, а содржи и бакар, калиум и манган. Оваа нискокалорична храна и е добар избор за здравиот начин на исхрана.

Меѓу другото, содржи и антиоксиданси лутеин и зеаксантин, двата важни за одржување на здравјето на очите.

Според народната медицина, ливчињата имаат и бројни придобивки, а пред се се ефикасни во лекувањето на воспаленија и отоците. Артритисот и ревматизмот се воспалителни болести кои ги напаѓаат зглобовите, коските и мускулите. Зелката има антиинфламаторни својства и ги ублажува симптомите на овие болести.