Поврзи се со нас

Вести Гостивар

Дајмлер повлекува 60.000 возила на преправка во Германија

Германската агенција за автомобили (KBA) го принуди Дајмлер да повлече во сервис на поправка 60.000 дизел автомобили во Германија.

Имено, тие се сомневаат дека производителот вградил софтвер за манипулација во контролата на издувни гасови.

“Истрагата трае од април и ги потврдуваме овие информации”, изјави портпаролот на Дајмлер за Билд.

Производителот на автомобили е под истрага од германските власти поради моделите Mercedes-Benz GLK 220 CDI, произведени помеѓу 2012 и 2015 година.

Софтверот кој е вграден ја намалува емисијата на штетни честички во издувните гасови само за време на контролата, а потоа се исклучува, така што возилата на патот испуштаат повеќе штетни гасови одошто е дозволено.

Минатата година, германските власти му наредија на Дајмлер да повлече на корекција 700.000 возила продадени низ целиот свет, вклучувајќи ги и 280.000 во Германија, за отстранување на нелегалниот софтвер.

Компанијата се пожали на оваа одлука

На Дајлмер, државниот обвинител од Штутгарт им се закани со финансиски санкции поради дизелскиот скандал.

Истрагата за низа такви скандали започна во Германија во 2015 година, кога Фолксваген прв призна дека со лажен софтвер опремил 11 милиони возила, од кои 2,4 милиони биле продадени во Германија.

Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно