Дали газираната вода е опасна по здравјето?

Сите знаеме дека секојдневното консумирање газирани пијалоци не е паметна идеја. Но, што е со газирана вода?

Луѓето со векови користат газирана вода за да го смират својот стомак, пред се непријатните симптоми на горушица. Некои студии дури покажуваат дека газираната вода е поефикасна од обичната вода кога станува збор за ублажување на варењето, пишува Livestrong.

Сепак, експертите предупредуваат дека пиењето газирана вода на празен стомак може да направи повеќе штета отколку корист.

„Киселината содржана во газирана вода е опасна за празен стомак, па наместо да го решите проблемот со горушица или варење, само би го влошиле. Газирана вода најдобро е да се пие помеѓу оброците, додека сите газирани безалкохолни пијалоци треба да се избегнуваат колку што е можно повеќе“, објаснува д-р Ендрју Л. Рубман.

Исто така, прекумерната потрошувачка на газирана вода може да ја влоши состојбата на луѓето кои страдаат од ГЕРБ (гастроезофагеална рефлуксна болест). Покрај газираните пијалоци, други намирници и пијалоци кои можат да ги влошат симптомите вклучуваат пијалоци со кофеин, агруми или сокови, зачинета храна и се што е претерано масно, пренесува Index.hr.