Гостивар
Дали и натаму ќе има настава со физичко присуство ќе зависи од епидемиолошката состојба
Во училиштата низ земјава каде има настава со физичко присуство се следат протоколите за заштита од коронавирус, за сега состојбата е стабилна и нема потреба од промени во организирањето на работата, сметаат надлежните.
Дали училиштата ќе останат отворени за учениците и тие ќе продолжат со учење во клупите, ќе зависи од текот на пандемијата, истакна заменик министерот за образование Арафат Шабани при вчерашната посета на неколку училишта во Гостивар. Ако состојбите се влошат, целосно ќе се премине на настава од далечина, рече тој.
„Мерките за заштита докажано функционираат но мора доследно да се почитуваат од сите. Од целокупното одговорно однесување ќе зависи и продолжувањето на наставата со физичко присуство во училиштата. Ние се надеваме дека состојбата ќе се подобри, но ако се влоши тогаш ќе мора целосно да се премине на онлајн настава“, укажа Шабани.
Министерството за образование редовно апелира до наставниците и учениците доследно да ги почитуваат мерките за заштита од ковид и одговорно да се однесуваат и надвор од училиштата.
Запрашан за коментар на реакциите дека поголемиот дел од училиштата се под клуч, а кафулињата во нивна близина полни со млади, Шабани одговори:
„Одговорност на МОН, директорите и наставниците е да има безбедни услови за одвивање на наставата во училиштата. Однесувањето надвор од училиштата е одговорност на родителите и учениците“.
Тој уште еднаш повтори дека отворањето на училиштата за настава со физичко присуство е одлука на Владата. Исто така, апелираше за доследно почитување на мерките и одговорно однесување на сите.
Општина Гостивар најави дека ќе бара во училиштата на нејзина териорија да се дозволи настава со физичка присутност во 4 смени со скратени часови.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник