Дали Таравари повторно ќе биде кандидат за градоначалник на Гостивар?

Градоначалникот на Гостивар, Арбен Таравари во синоќешното гостување во емисијата Клик Плус на Тв21, запрашан дали ќе влезе во трка за нов мандат на локалните избори, рече дека лично смета дека еден мандат е доволен, но не ја исклучува можноста од повторна кандидатура.

„Сметам дека еден мандат за градоначалник е доволен, но се‘ уште немаме конечна одлука, ќе видиме како ќе се развиваат околностите во март и април. Ќе се разгледаат анкетите во рамки на партијата. Нашата база е многу силна и секој наш кандидат ќе победи и ќе биде нов градоначалник на Гостивар.“, рече актуелниот гостиварски градоначалник.