Гостивар
Дебата во Гостивар: Корупција има, но граѓаните не пријавуваат оти сметаат дека никој нема да мрдне со прст
Корупцијата е зголемена во споредба со периодот пред 10 години, а граѓаните не ги пријавуваат случаите затоа што немаат довербата во институциите и се плашат од одмазда. Вакви наводи покажало истражувањето на тема корупција спроведено во пет општини во земјава: Гостивар, Битола, Кавадарци, Куманово и Штип. Судството, здравството и полицијата биле наведени како области со најмногу корупција. Со истражувањето биле опфатени околу 600 испитаници од различни возрасти и националности.
Резултатите денес беа презентирани на јавна дебата во Гостивар.
„Постои перцепција за зголемен интензитет на корупцијата и тоа во последните 10 години. Најголем дел од граѓаните не сметаат дека треба да пријавуваат корупција, најмногу поради тоа што довербата кон институциите на системот е многу ниска. Граѓаните не веруваат дека институциите ќе постапуваат по тоа што е нивен мандат, а втора причина е што се плашат од одмазда“, изјави Марија Димитровска, експерт.
На скала од 1 до 7, испитаниците од Гостивар со вкупна оцена од 5,26 посочиле дека желбата за брзо богатење на луѓето кои се на власт најмногу придонесува за корупцијата. Според распростанетоста на корупцијата по области, граѓаните од Гостивар сметаат дека судството е најкорумпирано, а според нив медиумите се тие кои се прворангирани како фактори кои може најмногу да придонесат во борбата против корупцијата.
Извештајот го подготви Асоцијацијата за демократски иницијативи од Гостивар, од каде нагласуваат дека корупцијата до сега како проблем не доволно се анализирала на локално ниво, што било и причина да го спроведат истражувањето.
„АДИ овојпат се определи да истражува корупција на локално ниво. Имаме анализи за перцепција на корупцијата на централно ниво, а на локално ниво малку се истражувало. Сакаме да поттикнеме дебата на оваа тема, но и да им укажаме на релевантните институции која е состојбата со корупцијата на локално ниво“, рече Лулзим Хазири, извршен директор на АДИ.
На дебатата учествуваше и градоначалникот Арбен Таравари, кој потенцира дека за да се надмине проблемот со корупцијата во земјава, треба пред се‘ да се деполитизираат и професионализираат институциите.
Податоците од истражувањето покажуваат дека граѓаните имаат најредовни контакти со институции во областа на здравството и полицијата, па според ова најголемиот дел од испитаниците рекле дека мито им било побарано од институција во областа на здравството, следна е полицијата, па потоа судството. Митото во здравството најчесто е барано во врска со операција, во неколку случаи и лечење, а митото од полиција е во врска со казна или сообраќајка.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар