Дебрешанец со автомобил излетал од патот и се забил во ограда

Жител на гостиварското село Дебреше е тешко повреден во сообраќајна несреќа која се случила вчера на автопатот Тетово-Скопје. Полицијата соопшти дека патничко возило ,,Фиат Пунто“ со швајцарски регистарски ознаки, управувано од 25 годишниот Х.И. од Дебреше, излетало од патот и удрило во заштитна ограда. Притоа, со тешки повреди се здобил сопатникот Ш.Х.(45) од село Дебреше, додека другите сопатници А.Х.(26) и О.Х.(20) се здобиле со телесни повреди.

На повредените им била укажана лекарска помош во Клиничката болница Тетово, а бил извршен увид од увидна екипа од Секторот за внатрешни работи Тетово.