Гостивар
Дечиња чекаат топол дом!„Подај рака-стани згрижувач!“ во Гостивар
Семејствата од Гостивар кои имаат можост, да ги отворат своите домови и да згрижат деца без родители и свои семејства! Ова е пораката од настанот кој денес се одржа во Гостивар, во рамки на националната кампања „Подај рака, промени живот-стани згрижувач!“ што ја спроведуваат СОС Детско село и Министерството за труд и социјална политика.
„Гостивар е град кој до сега нема развиено ниту едно згрижувачко семејство. Начинот на кој сакаме понатаму да бидеме поинтензивно вклучени и поприсутни во градот е токму преку трибини и почести средби со граѓаните, со цел да ги доближиме до тоа што значи да се биде згрижувач, кои се условите и критериумите да едно смеејство се стекне со статус на згрижувачко, какви деца се згрижуваат, бидејќи знаеме дека живееме во едно турбулентно време, биолошките смејства се почесто се соочуваат со многу предизвици и потешкотии, особено во грижата на своите деца и се јавува потребата тие да бидат згрижени во рамки на згрижувачко семејство. Тоа е идеална форма за грижа на дете кое се одвојува од биолошката средина, бидејќи така детето ќе ги задоволува сите свои основни потреби, права и интереси и му се пружа грижа и можност за натамошен правилен раст и рзавој.“, рече Ана Панчева, раководител на Центарот за згрижувачки семејства.
Како што веќе објавивме Општина Гостивар ќе дава финансиска поддршка од 10.000 денари месечно на згрижувачките семејства.
„ Пред неколку дена се видовме со претставниците на СОС Детско село и ме информираа за активноста што ја организираат заедно со Министерството за труд и социјална политика. Нормално ја прифатив соработката и мислам дека треба да бидеме поддржувачи на оваа иницијатива. Сите семејства во Гостивар кои се подготвени да згрижат дете кое има потреба, би ги мотивирале со поддршка од 10.000 денари месечно.“, изјави градоначалникот Арбен Таравари.
Потребните информации и деталите за згрижување деца, заинтересираните семејства може да ги добијат во Центарот за социјална работа во Гостивар.
„На Гостивар навистина му се потребни згрижувачки семејства, затоа што имаме дечиња кои чекаат на згрижување, на топол дом. Ги повикувам сите заинтересирани да дојдат во Центарот за социјална работа каде ќе ги информираме за процесот, условите и се друго што треба да го знаат за да станат згрижувачи“, рече директорот на Центарот, Азби Шаќири.
Во земјавата 574 деца се згрижени во 327 згрижувачки семејства. Информации околу процесот на згрижување може да се најдат на телефонскиот број 075-277-447 и веб страницата zgrizuvanje.mk
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар