Дечиња на плоштадот во Гостивар делеа баклава и други специјалитети

Минувачи на градскиот плоштад во Гостивар денес имаа можност да вкусат од надалеку познатата гостиварска баклава, која важи за голем специјалитет. Дечиња од основните училишта и од градинките на штандови делеа парчиња баклава и други специјалитети кои традиционално се послужуваат за муслиманскиот празник Рамазан Бајрам.

Настанот беше организиран во соработка со локалната самоуправа, а штандовите и вредните мали гостиварци ги посети и градоначалникот Арбен Таравари.

„По повод Бајрамското празнување училиштата и градинките подготвиле храна која обично се послужува на гости кога доаѓаат за празникот. Ова е една убава активност, децата се во непосреден контакт со граѓаните и едноставно да се осети дека имаме празнична атмосфера во градот“, рече градоначалникот.