Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 18/12/2018

Дечиња од Гостивар во мисија за свет без предрасуди и бариери

Дваесетина деца од различни националности и вероисповед од Гостивар, неколку дена другаруваа, посетуваа значајни знаменитости и природни убавини, создаваа уметнички дела и слично, со цел подобро да се запознаат и да се поттикнат на почитување на различностите.

Активностите беа организирани во рамки на проектот „Волшебни раце-волшебни зборови“, кој го спроведе Здружението за култура, спорт и образование Анисија од Гостивар.

Проектот беше заокружен вчеравечер со доделување на сертификати и изложба на слики од децата учесници, во Центарот за култура АСНОМ.

„Дружбата траеше пет дена, и децата преку игри, работилници, посети на културно-историски места во градот и околината, учеа за своите разлики и за наминувањето на предрасудите. На ваков начин се отстрануваат бариерите и овие дечиња ќе ја шират таа мисија и меѓу своите другарчиња.“, изјави Валентина Тасеска, претседател на Здружението Анисија

Проектот „Волшебни раце-волшебни зборови“ беше организиран со поддршка на Министерството за култура на Република Македонија.

Оставете коментар

Вашата Емаил адреса нема да биде објавена.Задолжителните полиња се означени *

*