Деликатес! Вакви крофни до сега немате пробано

Нема ништо поубаво од мирисот на тазе подготвени крофни дома. Рецепти има безброј, класични, модерни, повеќе или помалку креативни. Ние со вас споделуваме рецепт за крофни според домаќинка на која и здодеал вообичаениот начин, па сакала да испроба нешто поинакво. Вакви вкусни крофни немате пробано.

состојки:

500 мл. вода

160 гр. маргарин

500 гр. брашно

3 јајца

една голема лажица шеќер

малку сол

прашок за пециво

за фил: 100 гр. чоколада или мармалад (по желба)

подготовка: Пред да започнете да го правите тестотот, ставете го растопеното чоколадо или марламадот во калап за коцки за мраз во замрзнувач, да се стврдне, околу еден час.

Ставете ја водата, маргаринот и шеќерот заедно да зовријат. Потоа измешајте го брашното со прашокот за пециво, солта и додадете ги во смесата што врие. Оставете тестото да се излади. Во ладното тесто додавајте ги јајцата едно по едно, матејќи со миксер.

Извадете ги коцките со филот и наредете ги на тава покриена со хартија за печење, па околу нив со тестото обликувајте крофни со готварски шприц. Печете 14-15 минути на 250 степени, па уште 20 минути на 150 степени.

Важно е да не ја отворате рерната додека крофните се печат.