Поврзи се со нас

Рецепти

Деликатесен ручек: Пилешко во проја

Пилешкото месо најчесто се подготвува со ориз, компир или некаков сос како додаток. Овој рецепт носи нова идеја како може од пилешкото месо да се направи деликатесен ручек.

 

состојки:

 

500 гр.пилешки стек

250 гр. шампињони

целер

еден кромид

1 лажица брашно

3 лажици масло

200 мл. млеко

сол и бибер

 

за пројата:

1 јајце

100 мл. јогурт

50 гр.брашно

60 гр.палента

3 лажици масло

прстофат прашок за пециво

сол

 

подготовка: Пилешкото се сецка на мали парчиња и се пропржува во загреана тава со масло. Кога ќе биде готово се вади од тавата, а во истото масло се пропржуваат сецканиот целер и кромид. Кога зеленчукот ќе омекне се додава брашното и се налева млекото. Постојано се меша, додека не згусне и на крај се става сол и бибер.

Потоа смесата се соединува со месото и се става во подмачкана тава.

Во длабок сад се мешаат добро сите состојки за пројата, па смесата се полева врз месото и зеленчукот претходно ставени во тавата.

Се пече во загреана рерна на 180 степени, околу 35 минути.

 

 

 

Сподели:
Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!