Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 17/05/2019 | 14:28

„Ден на франкофонијата“ утре по деветти пат во Гостивар

Утре, сабота (18 мај) по деветти пат во Гостивар ќе се одржи манифестацијата “Ден на франкофонијата“, чија тема годинава е „Сите на брод, тргнуваме кон Франкофонија“.

Како што е најавено, на манифестацијата ќе учествуваат ученици од основните и средните училишта од Гостивар, Добри Дол, Врапчиште, Тетово, а како гости оваа година за првпат ќе земат учество и ученици од Средното училиште “Раде Јовчески-Корчагин“ од Скопје, како и од училиштата од Кавадарци, Лозово и Пехчево. Учениците ќе пеат, танцуваат, ќе играат и ќе изведуваат точки на француски јазик.

Најавено е присуство на Амбасадорот на Република Франција во Скопје, Кристијан Тимоние.

Настанот ќе се одржи во Центарот за култура во Гостивар, со почеток во 16 часот, а влезот е бесплатен.

Манифестацијата ја организираат професори по француски јазик од Гостивар, како дел од Здружението на професори по француски во Македонија.

 

Напишете коментар

Close