Ден на пожарникарството, професија со голема одговорност и хуманост

Денешниот датум, 20-ти мај, во Македонија е прогласен за Ден на пожарникарството. Утврден е во чест на формирањето на првата противпожарна единица во Битола, во 1836 година, што претставува темел на оваа професија во земјава.

Формирањето, организирањето и функционирањето на противпожарните единици се уредува со Закон за пожарникарство.

„Пожарникарството е работа од стручен и хуманитарен карактер од јавен интерес и е дел од единствениот систем за заштита и спасување во Републиката. Територијалните противпожарни единици се должни да учествуваат во гаснење на пожари и спасување на животот на луѓето и имотот загрозени од пожари и други несреќи на целата територија на Република Македонија, како и да даваат помош кога тоа е побарано при гаснење на пожари во други држави.“, стои во законот.