Денес е Меѓународен ден на мајчиниот јазик

Дваесет и први февруари светот го одбележува како Ден на мајчиниот јазик. Денес на земјината топка се говори на повеќе од 6000 јазици, но на половината од нив во разни делови на светот им се заканува исчезнување. Статистиката покажува дека во последните три века има значително изумирање и намалување на бројот на таканаречните мали јазици. Ова особено ги погодува одредени земји во Америка и Австралија.

Меѓународниот ден на мајчиниот јазик е убава можност да се проговори за важноста од сочувување и негување на мајчиниот јазик, но и за важноста на јазичната разновидност. Мајчиниот јазик како културно и духовно наследство е исклучително значаен за идентитетот на секој народ.

21-ви февруари бил прогласен за Меѓународен ден на мајчиниот јазик од УНЕСКО во 1999 година.

Денешниот ден е добар повод да се потсетиме на пораката од големиот преродбеник Крсте Петков Мисирков:

„Еден народ што го изгубил својот јазик, личи на човек кој го изгубил патот и не знае ни каде оди, ни кој е!“-