Денес е петок 13 – Интересни податоци и верувања

Без разлика дали сме малку или повеќе суеверни, изразот Петок 13 предизвикува непријатност заради неговата поврзаност со малерот и несреќите. Но, треба да сме свесни дека само од нас зависи дали ќе се плашиме од некој датум и ден или ќе го разбиеме таквото расположение и мислење. Еве неколку податоци врзани со малерозниот Петок 13.

Има повеќе верувања за потеклото на митот за петок 13. За историчарите најубедлив е настанот што се случил на 13 октомври, петок, 1307 година, кога францускиот крал Филип Четврти наредил да се уапси и погуби водачот на темпларскиот ред Жак де Молеј заедно со шеесетина негови најблиски приврзаници.

Тоа што самиот број 13 луѓето го сметаат за несреќен, се одразува во секојдневното живеење и културите на многу земји. Така, многу хотели и станбени згради немаат 13 кат. Бројката се избегнува во секоја можна ситуација.

Може ли да помине година без Петок 13?. Истражување од „National Geographic“ открива дека е невозможно целосно да се прескокне. Датум 13 во ден петок, ќе се погоди барем еднаш во календарската година.

Суеверието за „несреќниот“ број 13, го поттикнува и Холивуд и издавачката продукција со многубројни дела на таа тема. Има ли некој што не ги знае филмски хорор серијал Петок 13, мистериозната новела „Тринаестмина на вечера“ од Агата Кристи или книгата и филмот посветени на вселенскиот брод Аполо 13?

Стравот од петок 13-ти се нарекува параскеводекатриафобија.