Денес е празник на Свети апостол Марко

Православната црква 8-ми мај го празнува како ден на Светиот апостол и евангелист Марко. Роден е во Ерусалим од мајка која била многу побожна. Во нејзината куќа се одржала светата Тајна вечера на Исус со апостолите.

Св. Марко бил еден од 70-те Христови ученици и заедно со апостолите Петар и Павле, го ширел Христовото учење низ многу места како Кипар, Рим и други. Во Рим под дирекно влијание на Св. Петар го напишал Евангелието, за кое се тврди дека е напишано десет години по Христово вознесение. Во градот Александрија, Св.Марко станал епископ и покрстил многу народ. Настрадал од неверници кои насилно влегле во црквата, го врзале и го влечеле по патиштата до смрт. Од месното население бил погребан во близината на Александрија, а подоцна побожните жители на Млетачката Република неговите мошти ги пренесле во Венеција и ги погребале во црквата изградена за таа прилика што го носи неговото име.

Денес именден слават оние со име Марко.