Денес е Светски ден на бакнежот – Во животот поминуваме 15 дена во бакнување

Шести јули е датумот кој е зацртан како Светски ден на бакнежот. Не е некој официјален празник, но поради тоа што се однесува на нешто убаво, кое симболизира љубов, топлина и блискост, вреди да му се посвети внимание. Ние тоа ќе го направиме преку неколку интересни податоци и факти за бакнежите и бакнувањето.

-Обичајот да се бакнат невестата и младоженецот на крајот од венчавката потекнува од старите римјани за кои бакнежот значел еден вид потпис на договор меѓу двајца.

-63% од мажите ги затвораат очите додека се бакнуваат, додека кај жените тој процент е повисок, дури 97%

-Стравот од бакнување се вика филематофобија

-Бакнежот го продолжува животот. Ако мажот ја бакнува својата партнерка секој ден, ќе живее до пет години подолго

-Просечно во бакнување поминуваме 15 дена од животот

-Научно е потврдено дека преку бакнеж се пренесуваат 80 милиони микроби, што е неколку пати повеќе од количината што се пренесува преку вц школка. Сепак бакнувањето преку микробите помага да се развива и зајакнува имунитетот

– Околу две третини од луѓето додека се бакнуваат ја навалуваат главата на десната страна

– Повеќето луѓе се сеќаваат на повеќе детали од својот прв бакнеж, отколку од своето прво сексуално искуство