Денес и утре стабилно, од среда променливо облачно и ветровито време

Времето наутро ќе биде студено со појава на магла или ниска облачност по одделни котлини, а преку денот сончево со мала до умерена облачност. Ќе дува слаб до умерен ветер претежно од северозападен правец. Температурата во гостиварскиот регион ќе се движи од 1 до 13 степени.

Во вторник времето ќе биде стабилно со ниски утрински температури и со услови за појава на магла или ниска облачност по одделни котлини.

Потоа во следните денови под влијание на серија од влажни воздушни бранови времето ќе биде променливо облачно и ветровито со повремени врнежи од дожд со променлив интензитет, кои на планините повремено ќе преминуваат во снег.

Од среда до петок ќе дува засилен југоисточен и западен, а во сабота засилен северен ветер.