Денес почнува Европското првенство во ракомет 2020

Австрија, Шведска и Норвешка од денеска па до 26 јануари ќе бидат домаќини на 14-тото Европското првенство во ракомет кое за првпат се одржува во три земји и учествуваат 24 репрезентации. Меѓу најдобрите на стариот континент веќе традиционално е и репрезентацијата на Македонија.

Формирани се шест групи со по четири репрезентации, од кои најдобрите две пласирани се селат во вториот круг, каде ќе се формираат две групи со по шест селекции, од кои првите две места се учесниците во полуфиналето.

Освен борбата за европскиот ракометен трон, ова првенство ќе биде возбвудливо поради фактот што тука ќе се одлучуваат патниците на Олимписките игри во Токио следното лето.

Македонија се наоѓа во групата Б, заедно со Чешка, Австрија и Украина.

Премиерата е денеска од 18.15 часот, ќе отоворат селекциите на Белорусија-Србија и Германија-Холандија, а од 20.30 часот играат Хрватска и Црна Гора.